Laapata

Ye kis safar pe nikale hai hum, 
Jaha manzil ka naa ho pata, 
Sapno ke peeche nikal pade hai hum, 
Phir yaaro se baatein kyu naa ho kum, 
Ae pal tu thaam jaa zara,
Ho jaane de humein aaj laapata.

Ye raasto se toh pehle bhi guzre hai,
Saath hokar bhi maano jaise dur the,
Waqt toh tab bhi utna tha,
Par kaamyabi ki daud mein kaha rukna tha,
Ae pal tu thaam jaa zara,
Ho jaane de humein aaj laapata

Suhaane Din dhalte gaye,
Aur hum aaj ke pal ki jagah,
Kal mein hi ulajhte rahein,
Jin Khawaaishon ki ret pe hum chale,
Vo lehro mein hi simmat gayi,
Ae pal tu thaam jaa zara,
Ho jaane de humein aaj laapata. 

Aakhir na kismat se milega zyaada na kum,
Fir kyu kal ki andekhi khushi ke liye,
Dekhe aaj koi bhi gham,
Aaj bas jaana hai waha,
Le jaayein ye hawayein jaahan,
Ae pal tu thaam jaa zara,
Ho jaane de humein aaj laapata.