Le chal mujhe

Jahaan sapno pe ke koi rok nahi,
Jahan nazariye pe koi tok nahi,
Jahaan khushiyon ka koi tol na ho,
Jahaan dukho ka koi mol na ho 

Le chal mujhe,
Le chal mujhe,
Vahaan,
Jahaan mein,
Dhundh paaun mujhe 

Poora aasman hai tera,
Befikar udd le tu zara,
Koi raahein na mile,
Toh manzil kyu badalta hai tu,
Jahaan teri udaan ruke,
Vahi se dusra mod le tu, 
Jahaan tumhari daud,
Khud se hi ho,
Jahaan pehle bhi tum,
Aur aakhiri bhi tum ho 

Le chal mujhe,
Le chal mujhe,
Vahaan,
Jahaan mein,
Dhundh paaun mujhe 

Kismat ki lakeerein badal
Kandho pe umeedein le chal
Ek kadam aage lene se,
Khudko rokta hai kyu,
Ek baar fisalein,
Toh phir khade hone se,
Khudko rokta hai kyu 
Jahaan dil ke ehsaas
Aur mann ki baat mein,
Koi faaslein naa ho,
Jahaan haskar jeene ki,
Koi shartein na ho, 

Le chal mujhe,
Le chal mujhe,
Vahaan,
Jahaan mein,
Dhundh paaun mujhe 

Jahaan safal bhi na ho,
Dil ne jo chahaan vo na ho,
Toh bhi jeene ke andaaz mein,
Badalta koi ehsaas na ho,
Wahi phir se haasil karne mein,
Apne hauslein par koi sandeh na ho 

Le chal mujhe,
Le chal mujhe,
Vahaan,
Jahaan mein,
Dhundh paaun mujhe